الموضوع: موضوع خاص لمبتدئى ادسنس ... خطوة بخطوة

بعد اللى شوفته فى المنتدى هنا ... من اعضاء حابه تتمنظر بأربحاه قدام ناس عاوزة تتعلم الربح ولو الضعيف حتى .. عشان يقدروا حتى يدفعوا اشتراك النت وتكاليف الدومين وخلافه واما حد يسأل الاخ دا او الاخوة دى اللى بتتمنظر بأربحها فى القسم يقولك الموضوع للمباركة ونسى ان القسم دا للمشاكل وتبادل الخبرات والاقتراحات فى طرق الربح من موقعك
وانا الحمد لله بعد ماشوفت العينة دى من الناس ... اللى منتدانا الغالى برامج نت مبخلش عليهم بجاجة وعطاهم الكتير والكتير ....... عاهدت نفسى اقف جنب اى مبتدأ مهما كان لاننا كلنا اخوة بنكمل بعض ... ومش يعجبنى ان اشوف اخويا ولا صاحبى محتاجنى او محتاج يتعلم شئ ... وانا اقف حاطط ايدى فى جنبى .. دلوقتى بقولها (( اسلام اللى هو انا اللى محتاجه فى اى شرح ميترددش انه يكلمنى )) وانا مش هخيب امل حد وهعطى معلومات باللى اقدر عليه كله مهما كان

شكلى خرجت عن الموضوع اوى بس اعزرونى انا بجد محبط من الناس اللى شكل دى

موضوعى دلوقتى لمبتدأى ادسنس ..... وان شاء الله هنزل مقالات لمتوسطى ادسنس قريب
هقول شوية حاجات ومعلومات الكتير عرفنها ... بس فى بعض الناس متعرفهاش

اولا اللى عاوز يسجل فى ادسنس

..... يلزمه
1- موقع @$ طبعا الكل عارف الشرط دا
2- محتوى الموقع يكون فى شئ انت بتفهم فيه وخيالك حلو فيه
لان استخدام الخيال للواقع عبقرية
واستخدام الخيال للخيال مضيعه للوقت
وياريت لو الموقع للربح يكون لغة غير العربية لانه لاتسمن ولا تغنى من جوع واعلانتها اى حاجة بسنت واحد اوكازيون
بس اهم حاجة تكون بتفهم فى الحاجة دى وعندك وقت فراغ من 5ساعات ل 12 يوميا كبداية
وبعد كدا هيلزمك ساعة او اتنين ... وهتكون لمباشرة اربحاك
3- محتوى جيد متجدد فريد (( جديد )) او نص فريد كتير.. من الناس تعرف دى ايضا
4-المعلومة الاهم .. ان الموقع دا يكون خالى من الكلمات الدليلية والميتا تاج المزيف تحت اسم الفوركس او غيرها (( اللى هو سبب فى قفل اكتر الحسابات .. ودا السبب الوحيد فى قفل الحسابات المرتبطة باختصار الروابط .)) ...
لازم يكون الكلمة الدليلة من واقع الموقع او من واقع المحتوى ... ونبعد عن الغش ونحكم ضميرنا قبل اى حاجة
5- حاله نفسية تمام ..... ختقولولى ازاى انا بشوف ناس تعمل الموقع تمام اوى
وعندهم دفعة معنوية رهيبة ..... بيتهيألى الدفعة المعنوية دى لو دخل فى حيطة يهدها
وبعد يومين او اسبوع ربحه قليل يهبط الروح المعنوية ويحبط ويدعى عليا وعلى جوجل وعلى الدنيا كلها
فاانا هقول حاجة ... خد الموضوع ببساطة دى مجرد تجربة ربحية ممكن تمشى مع ناس وممكن لأ ... حاول ان تدخل لروحك حاله من المرح وانت شغال يعنى اشتغل ساعة فى الموقع وقوم هات كوباية شاى وروق دماغك او كوباية عصير اسمع اى برنامج وبعدين كمل ... عشان ذهنك يكون صافى حاول متفكرش فى موضوع الربح التفكير اللى يخليك تحبط من نفسك وتقول على نفسك فاشل لمجرد انك لقيت ناس بتكسب مكاسب كويسة
انت لازم تعرف ان الناس دى مش من يوم وليلة بدأو يربحوا ... يعنى انا على ما أخدت خبرة ... اتقفلى 4 حسابات ادسنس واستلمت اول دفعة بعد سنة من بداية تعلمى ... مش معنى كدا انك هتحتاج لسنه ... لا بتاتا .. انا شايف ان العوامل بتختلف يعنى انت دلوقتى لاقى اللى يقول دا صح ودا غلط دا مخالف ودا شرعى ... يمكن انا ملقتش الحاجة دى وقتها ودا سبب تأخرى فى احترا ادسنس
5 - الزوااااار ودا اهم مافى الموضوع (((( هيكون فى موضوع اخر لتعلم ازاى تجيب زوار من ترافيك موجه ,.. وترافيك غير موجه سبام شرعى هتقولوا ازاى .. ان شاء الله هشرحها بعد ذلك فى موضوع مفصل لانه موضوع يطول شرحه وهنقول طرق كتير عشان تجيب زوار وحياتك تبقى فل))

6 - ناقص انك تسجل فى ادسنس بالراحة ... وبعدين نرجع لنكمل القصة وباقى الشرح

واى أستفسار ياحبيب قلبى والله ماهتأخر بس مشوفكمش زعلانين ابدا
سلام