الموضوع: الجزء الثالث.خاص لمبتدئى ادسنس ...خطوة بخطوة ... قاعدة بناء المواقع الربحية

السلام عليكم
جزء جديد من كلامنا فى مساعدة المبتدأين بأدسنس
وبعد ماشوفنا
الجزئين الاول والتانى فى خاص لمبتدئى ادسنس ...خطوة بخطوة
المقدمة + الجزء الاول

الجزء التانى

وعرفنا ازاى نأتى بزائر مستهدف لموقعنا يفيدنا فى ادسنس والافليت

النهارده هنتكلم عن المعادلة او الحسبة الاهم فى بناء المواقع الربحية
انا هحاول فى الشرح اكتب بلغة الامثال والارقام البلدى عشان اقدر اوصل للناس المعلومة

درسنا دلوقتى المفروض كنت اكتبه قبل الجزء التانى بس مفيش مشاكل

القاعدة الرئيسية لبناء المواقع الربحية وكيفية انتقاء الافكار

بالبلدى كدا ازاى افهم دماغ الزائر واحور عليه واخليه يستفيد ويفدنى

عارف ان كل الناس بعد ما دخلت القسم هنا وسمعت ان فى ناس بتدخل مبالغ جامدة كل شهر من ادسنس وافليت وغيرهم ( ادبيرت .. ادنا . كليك سور .. كليك بانك .. كلينك مانيجر الفرنسى )

وبعد ماسمع عن الارباح وكدا فكرت انك تعمل موقع ... تربح منه
وشغلاك اوى حته انك تلاقى حاجة تكتب فيها او اختصاص تتخصص فيه
وكمان بالك مشغول ليل نهار ازاى تلاقى مجال تكتب فيه ... دا هو القرار الصعب .. والقرار دا هيأثر على كل الخطوات الجاية ... وعشان كدا هحاول اساعدك ازاى تختار مجال موقعك وتكتبي وتبدع فيه

نبدأ

لو جيت ان سألتك سؤال .. وقولتلك ايه اهم شئ فى الربح من الموقع
واديتك 3 اختيارات (( الموقع - الاعلان - الزائر ))
بدون تفكير هترد عليا حتى لو مش اديتك اختيارات وهتقولى الزائر صح .. ؟

يبقى اهم حاجة فى الموضوع بتاعنا الزائر لو عاوز موقع يدوم علطول افهم دماغ الزائر وابنى محتوى يحبه الزائر ... لأنك لو ضمنت الزائر هتضمن الربح

لكن ازاى تبنى موقع .... يجذب ليك الكثير من الزوار ؟؟؟ سؤال مهم

دلوقتى هتفكر تفكير مختلف تماما عن تفكير الناس اللى عاوزة تعمل موقع ربحى وخلاص
وبعد كدا بيفجأو ان مفيش زوار ويشتغل الاحباط والضغط ويقولك ان فاشل وحاجات من دى ويدور على مجال تانى ... لانه فى الاول ااساسا اختار غلط بس (( للربح )) ومقدرش ولا ادى اى اهتمام للزائر

يبقى اتفقنا ان تفكيرنا هنغيروا خالص .. وننسى اننا هنربح خالص ... متزعلش هنربح بعدين @$

دلوقتى عاوزك تفكر ..... ايه الحاجة اللى شاغله دماغ الناس وبيهتم بيها المجتمع اللى حواليك

ماهى الاحداث الحساسة فى نشرات الاخبار .. ( مثلا جزمة منتصر الزيدى @$ )
ماالذى يبحث عنه مستخدم الانترنت (( حلقات مصارعة .. اهداف كوررة .. برامج وغيرها )

واهم حاجة انك تفكر بطريقة بناءه وحط نفسك مكان الزائر ... هل المحتوى اللى انتى كتبه دا لو انت دا مش موقعك هيعجبك .. صدقنى لو احنا قيسنا الموضوع كدا هنعمل موقع من الاخر

متزعلش هديك مثال يوضحلك

مرة وانا ماشى لقيت مجموعة من الشباب قاعدين بيتكلموا مع بعض وصوتهم عالى
وانا من حب الاستطلاع #$ اللى عندى والنت اللى مجننلى عقلى وعاوز افكار جديدة حبيت اشوفهم بيقولوا ايه ...

لقيت الناس دى بتتكلم عن الكورة والاهلى قطع الزمالك :D واللاعب كذا الاهلى جابه بكذا ... واللاعب بتاع الاهلى كذا راح لنادى تانى بكذا .. استنتجت من دماغ الشباب دى ان كرة القدم واخبار اللاعبين والانتقالات مهمة عندهم
فاقولت لنفسى ليه معملش مدونة مجانية بلوجر عن كرة القدم اجرب فيها ...
وانزل فيه اخبار الفرق ... واخبار الانتقالات ... وازودها بحاجات بيحبها الناس زى فيديوهات الاهداف ... وفيدوهات مهارات ... اشترى خمس تزاكر لمباراة مهمة احفز بيها مثلا 500 زائر ... وانا ضامن ان ال 500 زائر دول .... هينضربوا فى 10 اضعافهم لان فى جايزة @$
وكمان هنزلهم بوسترات للاعبين المشهورين يعنى مثلا الناس بتحب ابوتريكة ... طيب ليه معملش خلفية لابوتريكة بالفوتوشوب .. جامدة واكتب عليها اسم موقعى بحيث اى حد يحملها ويبعتها لصاحبه عالنت او الموبايل بلوتوث وبكدا الاشهار هيبقى على ودنه ... ولو عجبته البوستر اكيد هيكرر زيارته ليا وهيجيب زوار جدد

وبعد كدا قدمت المدونة دى لمحركات البحث ... وادلة المدونات .. ووضعت الرابط بتاعه فى توقيعى فى منتديات رياضية ..
لقيت الزوار يوميا مئات والمئات دول جابوا مئات والحياة بقيت قشطة وبشوية تريكات من او خدع قدرت اخلى الزائر يضغطلى على الاعلان الربح يزيد (( الجزئية دى ليها موضوع كامل لوحده لاحقا ))

ياريت تكون فهمت انا اقصد ايه من كل كلامى دا .. انك تلاقى الفكرة .. يحبها الزائر .. وتضعها على شكل موقع او مدونة ... القيام بالاشهار .. كدا تضمن زوار كتير

ومتنساش برضوا اللى قولناه فى الجزء التانى ... ان المحتوى اهم حاجة لانه هو اللى هيبجبلك الزوار


وخلاصة موضوعى ان اهم حاجة فى الرررربح اكتر كلمة اتكررت فى موضوعى

الزوار


وخلاصة الموضوع عشان الناس متملش ولا تزهق منى

محتوى جيد يريده الزائر + فكرة موقع جديدة = موقع مشهور وفيه زوار كتير = ربح وفير


والى اللقاء فى دروس اخرى
بس انا هقف شوية عشان انا مش شايف تفاعل من الناس انا مش عاوز ناس تشكرنى بس عاوز اعرف فى حد متابع ولا انا بكلم نفسى