الموضوع: شرح شخصية التروجان للنسخة العربية Arabic conquer on line

بسم الله الرحمن الرحيم

النهاردة سوف نستكمل الحديث عن شخصيات لعبة كونكر النسخة العربي .




هنتكلم عن اهم شخصية فى اللعبة وهية شخصية التروجان . والتروجان كلمة يونانية بمعنى محارب طروادة . التروجان هو اقوى شخصيات اللعبه على الاطلاق فلديه اقوى دفاع واعلى HP فى اللعبه واعلى هجوم .

مميزات الشخصيه :

1 - زى ماقلنا اعلى Hp اللى هوة الدم واعلى هجوم واقوى دفاع .

2 - هو الشخصية الوحيد اللى ممكن تمسك سلاحين من الاسلحة دى .











3 - الشخصية الوحيدة اللى ممكن تقتل اى عدو من غير ما تستنى رد عليها .

عيوب الشخصيه:
العيب الوحيد فى التروجان ان مابيضربش من بعيد يعنى لازم تضرب اى وحش وانت جنبه ولو بتضرب لاعب تانى لازم تكون جنبه


ترقيات التروجان :


تتم عملية الترقية فى مدينة التوام عند تروجان ستار كلاتى :






1 - لما بيوصل التروجان الى ليفل او مستوى 15 بترق وبيكون تروجان وبيتعلم مهارات اكس بي .

2 - لما بيوصل التروجان ال ليفل او مستوى 40 بيترقى وبيكون تروجان مخضرم وممكن ساعتها يمسك سلاحين.

3 - لما بيوصل التروجان ال ليفل او مستوى 70 بيحتاج الى زمردة عشان يترقى ويكون نمر تروجان .

4 - لما بيوصل التروجان الى ليفل او مستوى 100 بيحتاج الى نيزك عشان يترقى ويكون تنبن تروجان وبياخد جوهرة قوس قزح عادية .

5 - لما بيوصل التروجان الى ليفل او مستوى 110 بيحتاج الى صندوق القمر عشان يترقى ويبقى سيد تروجان وبياخد كر تنين .


دى كانت مراحل ترقي التروجان كلها .


مهارات التروجان :


1 - مهارة اتساع المدى :



ودى مهارة المضرب بتلفلك بسرعه بتخليك تضرب الوحوش اللى حواليك فى دايره .


2 - مهارة العنقاء :



ودى اقوى مهارة للتروجان بياخدها لما يستخدم السيف وهى 9 مستويات وهى المهارة اللى بنشوفها سيف نازل من السما

3 - اريج السيف :



ودى مهارة للسيف بس وعبارة عن خط مستقيم من السيوف لو انضرب بية حد بيموت .

4 - سرعة النصل :



ودى تانى اقوى مهارة بعد اريج السيف .

5 - هرقل :

ودى بتستخدمها لما تكون ماسك سلاحين من نفس النوع والمهار دى فايدتها انك بتدرب الارض فى دايرة حواليك .

6 - شفاء الروح :

والمهارة دى فايدتها انها بتزود طاقتك او دمك . وهية تلات مستويات الاول بيزود الدم بما يعادل 600 والثانى بما يعادل 800 والمستو الاخير بيزود دمك بما يعادل 1300 .

7 - الزوبعة :



وداة اسكيل مهم جدا بالنسب للتروجان لان لما بيجيلة بيزود وتيرة الهجوم خلال الفترة اللى موجود فيها .

دى كانت اهم مهارات التروجان .

نيجى لموضوع اللفلفه
__________________


انت اول ماهاتبدأ الاكونت فى الاول خالص وتروح مدينة التوام هاتروح لواحده على باب المدينه اسمها موصلة

البنت دى هى اللى بتنقلك من مدينه لمدينه لما تضغط عليها هاتكتبلك اسم المدينه هتختار منها مدينة الطيور
هتلاقى نفسك رحت مكان تانى وقدامك دوامه ادخل فيها هدخل مدينه تانيه اسمها مدينة الطيور
فى عندك فوق على الشمال فى اللعبه خريطه وعليها علامة x هو دا مكانك فانت هتمشى على الخريطه لغاية ماتروح المدينه
لما تدخل المدينه تستنى شويه هتلاقى ناس ماسكين قوس بينور لو لقيت واحد على راسه نجمه تضغط عندك على كلمة فريق وتختار انضم وتضغط على اللى على راسه النجمه ودا بيبقى قائد الفريق هتفضل تلفلف فى اى فريق لحد ليفل 70 وزى ما قلنا قبل كدة وانتا ف الفريق حاول تلم فلوس من على الارض على اد ما تقدر عشان تقدر تشتر بيها ا استف يساعدك بعد كدة.


من بعد لفل 70 هاتبدأ تعتمد على نفسك ومش هاتدخل فرق لان الاكس بى اللى هتاخدها بنفسك بعد لفل 70 هتكون اعلى من االفريق
من لفل 70 هاتروح تلفل نفسك فى مدينه اسمها مدين الصحراء هتروح هناك وتعمل التلات مهمات بتوع كل يوم وهيدوك اكس بي كويس ولما تخلص الكويست ترجع البيرد وتحاول تلفلف نفسك هناك هتمشى عل الموضوع دا لحد ليفل100احلى سلاح للتروجان هو المضرب لأن السلاح دا فى مهارة اسمها Rage ودى بتخليك تضرب الوحوش اللى حواليك كلها فبتزود سرعة اللفل .

لما تجيب لبس اليت وسلاح او اتنين اليت او على الاقل واحد اليت والتانى يونيك هاتروح على البيرد تانى بس المره دى مش علشان التيم لأ علشان تلفلف نفسك فى الوحوش اللى هناك
وفى البيرد تضرب الوحوش اللى اسمها بالاحمر علشان ماتموتش وشوف بيضربوك بكام لو بيعملوا عليك اكتر من 40 يبقى لازم تظبط اللبس بتاعك ولازم تزود الديفنس . وفى الوقت اللى انتا في بتلفلف ف البيرد حاول تخلى اى رامى يجبلك vps نقط عشان بعد كد هتخش اللاب وانتا محتاج الى 2000 نقطة ف كل مر تخش فيها اللاب . هتفضل تلفلف ف اللا لحد ليفل 105 .

بعد كدة هتروح بقى مدينة الصحراء ومنها الى قلعة الاسرار هتعمل التلات مهمات هناك وبردة تلفلف نفسك فى قلعة الاسرار لحد متوصل ليفل 120 . وبردة تعمل مهمة صندوق القمر اللى ممكن تخليك باشا لو عملت المهمة دى كل يوم تلات مرات او زى ماتحب لحد متوصل ليفل 130 .



اتمنى ان اكون غطيت كل حاجة عن التروجان .