الموضوع: شرح شخصية المحارب للنسخة العربية Arabic conquer on line

بسم الله الرحمن الرحيم

النهاردة هنكلم عن شخصية المحارب



شخصية المحارب من الشخصيات المهمة جدا فى اللعبة لانه بارع فى استخدام جميع الاسلحة بالاضافة اللى انه بيمسك درع بيقلل قوة الضربة وغير كدة انه بيقدر يلفلف نفسة بسهولة باستخدام مهارة سوبر مان اللى بتقوى ضربتة باضعاف الضربة العادية .
والمحارب بيستخدم لحجتين :

اول حاجة انة بيستخدم كا كوبري انك لما تنزل اول ميلاد بتنزل محارب عشان تلفلف نفسك بسرعة وتقدر تعمل مهمة الميلاد الثانى بسهولة وغير كدة لما بتنزل ميلاد ثانى بتاخد مهارة الانعكاس الل هية لما حد بيضربك بتلاقى كورة حواليك بتصد الضربة وتعكسها فى اللى ضربك .

تانى حاجة ومش كل الناس تعرفها ان فية ناس بتستخدم حاوى الماء وبيعملوا مزرعة حواة يعنى بينزل الحاوى ميلاد اول وبياخد الجوهرة السوبر فية ناس بتسخدم المحارب للعملية دى وبيسموها مزرعة المحارب لانه بيلفلف نفسة بسهولة جدا غير كدة بيستخدموا المحارب في انهم يحطوا داميج فى اى عنصر همة عايزينة لان الحاوى لما بينزل ميلاد اول فى ليفل 110 مينفعش يحط داميج الا فى اللبس او الجزمة بس لكن اى شخصية تنزل ميلاد بعد ليفل 120 ممكن تحط داميج ف ا عنصر بس لازم تلبس العنصر بس عشان ينزل في داميج .


وعيب المحارب الوحيد انة بيمسك سلاح واحد بس مش زاى التروجان ممكن يمسك سلاحين لكن المحارب ممكن يمسك سلاح وكمان يمسك درع بس فية برامج ممكن تخلي المحارب يمسك سلاحين زى التروجان بس لو حد صورك بتروح سجن كراة التنين .


ترقيات المحارب :


تتم عملية الترقية فى مدينة التوام عند راعى المحارب كلاتى :



- لما بتوصل ليفل 15 بتروح عند راعى المحارب وبتترقى وبتكون محارب وبتتعلم مهارت الخبرة الل هية الدقة والدرع الواقى القوة وسوبر مان .

2 - لما بتوصل ليفل 40 بتترقى وبتكون محارب نحاسى وبتقدر من الليفل داة تمسك الدرع .

3- لما بتوصل ليفل 70 بتحتاج اللى زمردة عشان تترقى وتكون محارب فضى .

4 - لما توصل ليفل 100 بتحتاج اللى نيزك عشان تترقى وتكون محارب ذهبى وبتاخد جوهرة قوس قزح عادية .

5- لما بتوصل ليفل 110 بتحتاج اللى صندوق القمر عشان تترقى وتكون استاذ محارب وبتاخد كر تنين .


مهارات المحارب :

1- الدقة





والمهارة دى بتخلى مدى الضربة ثابت .

2 - سوبر مان




والمهارة دى بتزود ضربتك اضعاف الضربة العادية وبتساعدك انك تلفلف بسرعة رهيبة .

3 - الدرع



والمهارة دى بتتعلمها عند ليفل 40 وبتساعدك انها بتققل قوة الضربة اللى جايلاك ولو ارشر بيضربك هتلاقى ان معضم الضربات مبتاثرش فيك خالص .

4 - القذف

والمهارة دى لما بتكون ف فريق وتستخدمها بتخلى كل اللى ف الفريق يزيدوا بمستوى واحد .

5 - الاندفاع



المهارة دى بتستخدم الدرع انك بتزق الل قدامك وفى نفس الوقت بتضربة .

هية دى مهارات المحارب وللعلم ان المحارب ممكن يمسك نفس اسلحة التروجان بس سلاح واحد بس بالاضافة اللى الدرع يعنى يمسك السيف او المضرب او النصل فى اليمين وفى الشمال بيمسك الدرع .

ازاى بقى نلفلف المحارب :


من ليفل 1 اللى ليفل 70 :

اول حاجة لازم نعرفها ان ا شخصية ممكن تتلفلف احد ليفل 70 فى مدينة الطيور وتخش فى فريق وهوة يعليك لحد ليفل 70 طب لو مفيش فريق نعمل اية المحارب مش محتاج اللى فريق عشان يلفلفة هو ممكن يعتمد على نفسة من البداية ان يعمل المهمات التلاتة بتوع كل يوم ويحاول يلم اكبر كمي من الفلوس من على الارض عشان تقدر تشترى بيها عناصر تلبسها وتساعدك فى اللفلفة دا لحد ليفل 70 .


من ليفل 70 اللى ليفل 90 :

ف الفترة دى انتا تعمل بردة المهمات التلاتة بتوع كل يوم وبعد كدة تروح مدينة الطيور لما تخلص المهمات تلفلف هناك تستخدم السوبر مان واضرب فى الطيور لحد ليفل 90 وتحاول انك تخلى رامى يجبلك 2000 نقطة عشان تخش بيها اللاب .

من ليفل 90 اللى ليفل 103 :

اول ما توصل ليفل 90 لازم تروح اللاب وهناك هتزيد كويس جدا جدا هتستخدم السوبر مان بس لازم يكون معاك واند عشان تزيد بسرعة وانتا لو دخلت ليفل 90 ممكن بعد يومين تبقى ليفل 103 .


من ليفل 103 الل ليفل 120 :

من ليفل 103 هتلاقى كل الوحوش بقت خضرة فلازم تروح مدينة الصحراء ومنها هتخش لقلع الاسرار هتعمل هناك المهمات التلاتة وتلفلف بردة لحد ليفل 120 .

من 120 اللى 130 :

عليك وعلى مهمة 120 دى هتزودك كويس اواى لحد ليفل 130 بس لازم تخش مهمة مدينة الموت دى بتبقى اربع ايام ف الاسبوع هتزودك كويس جدا .


اتمنى ان الشرح يعجبكم واكون غطيت كل حاج عن المحارب .